Nau mai, Haere mai...
"Tihei Mauriora, ki te Whaiao, ki te Ao Mārama. The breath, the energy of life and moving from darkness into the world of enlightenment"
Hei tā te Māori tirohanga mō te orokohanga o te ao, ka hono a Ranginui ki a Papatūānuku.
I tō rāua hononga ka puta ko Te Kore, ko Te Pō, ka toko ake te whakaaro ki ā rāua tamariki kia puta rātau ki te whaiao, ki te ao mārama.
Ka tū ake te pōtiki, arā, a Tāne Mahuta, ka puta tōna ihi, ka puta tōna wehi, ka puta tōna kaha, ā, ka wehea e ia ō rātau mātua. Ka puta rātau ko ōna tuākana ki te māramatanga, kia hua, kia tipu, kia rea hoki ā rātau hua – kia puta ki te Whaiao, ki Te Ao Mārama.
Ki Te Ao Mārama e tohu ana i te putanga ake o tō tamaiti me tō whānau i ngā pōuritanga, i ngā pēhitanga o te wā, e kōkiri ai, e haere ngātahi ai te katoa i runga i te kotahitanga, i runga i te māramatanga hoki.
Ki Te Ao Mārama he mea tautoko, he mea whakanui hoki i tōna whāinga i tēnei mea o te mātauranga mā te whakarato i ngā mahinga whakaaro, i ngā rauemi me ngā aratohu hei whakamahi māu me tō tamaiti i te kāinga.
Nau mai, whakatau mai Ki te Ao Mārama.
Anei ētahi tohutohu, rauemi, kōrero hoki hei tautoko ake i ngā mahi akoako a tō tamaiti i a ia e ako ana ki te kāinga, i waho hoki i te akomanga.
E putu nei tēnei mea o te rauemi whakaako, akoako i te reo Māori e taea tō whakamahi me tō tamaiti, hei tautoko i ana akoranga i te kāinga.
He whakarato kōrero hoki mō te whakahaumaru me te tautoko i tō whānau i te kāinga, i waho hoki i te akomanga.
Te tautoko i ngā mahi akoako i te kāinga
Ā-matua, ā-kaitiaki nei, ko koe tonu te kaiako tuatahi mō tō tamaiti, ahakoa ki hea, ahakoa kei hea. He wāhi akoako tō kāinga, tō marae, tō hapori hoki.
Ā, mēnā ka katia te kura, ehara i te mea ka noho koe hei kaiako mā tō tamaiti, ehara i te mea me huri tō kāinga hei akomanga. Mā te kaiako a tō tamaiti e whakarato tohutohu, tautoko, aratohu hoki hei āwhina i a koe ki te kawe ake i ngā mahi akoako a tō tamaiti.
Ko te take o ēnei rauemi he āwhina ki te tautoko i ngā mahi akoako a tō tamaiti i te kāinga, me ngā hōtaka akoako, tūmahi kua oti kē i tana kaiako te whakarite mai.
Te tautoko i ngā mahi akoako i te kāinga
Ā-matua, ā-kaitiaki nei, ko koe tonu te kaiako tuatahi mō tō tamaiti, ahakoa ki hea, ahakoa kei hea. He wāhi akoako tō kāinga, tō marae, tō hapori hoki.
Ā, mēnā ka katia te kura, ehara i te mea ka noho koe hei kaiako mā tō tamaiti, ehara i te mea me huri tō kāinga hei akomanga. Mā te kaiako a tō tamaiti e whakarato tohutohu, tautoko, aratohu hoki hei āwhina i a koe ki te kawe ake i ngā mahi akoako a tō tamaiti.
Ko te take o ēnei rauemi he āwhina ki te tautoko i ngā mahi akoako a tō tamaiti i te kāinga, me ngā hōtaka akoako, tūmahi kua oti kē i tana kaiako te whakarite mai.