Kati
Te tāuru me te tāputa

Te tāuru me te tāputa

Tūmahi

Tumahi

Ka hanga ngā ākonga i tētahi papatono e whakaputa ai tētahi huanga rapu (tāputa) mā te kuputuhi (aho) i tāurutia ai (tāuru). Ka whakaputaina e ngā ākonga tētahi tauira o te huanga rapu mā te whakaahua i a rātou anō me te tuku i te mōhiohio hei whakapānga. (Tēnā ko tēnei, ka tīkina ngā atahanga i te ipurangi - kia mātua tapaina ēnei kia ‘ka taea te whakamahi, te whakakē hoki’; ā, ka hangaia noa ngā mokamoka whakapānga.) E whakawhanake ana ngā ākonga kia mārama me pēhea ngā rorohiko e penapena, e rapu mōhiohio (raraunga) ai hoki. E taunga hoki ana ngā ākonga ki ngā taupānga tuhiwaehere paraka kia whai wāhi ai ngā tūāhua tāuru me ngā tāputa

Ngā pātai
  • He aha ngā mōhiohio hei tāhopu, hei penapena hoki?
  • Ka pēhea te raraunga e penapena ai, e kōmaka ai, e rapu ai anō hoki?
  • Ka pēhea te raraunga e whakaatu ai?
  • He aha ngā hapa i puta? Me pēhea e patu ai i ēnei iro?
Hei anga whakamua
  • Ka taea e ngā ākonga te matapaki i ngā hapa e puta ana nā te hē o te tāuru i te ingoa h.t. te tātaki kupu me ngā pūmatua, heoi, ka taea te rapurongoā me te patuiro i taua papatono.
  • Tērā pea, neke atu i te kotahi ngā tauira huanga rapu ka hangaia e ngā ākonga, ā, ka matapaki, ka pēhea te papatono e kōmaka ai i ngā whiringa tāputa maha.
Hononga ki ētahi atu Wāhanga Ako
  • Pāngarau: Whakaaro pānga riterite: ōwehenga (ngā pika, rahi mata, rahi kōnae)
  • Te Reo Matatini: E mārama ana te ākonga ki te āta whai, te āta whakarite anō hoki i ngā tohutohu. Ka taea e te ākonga te whakaputa i te reo kia mārama, kia ngāwari anō hoki.