Te whakatū i ngā tūāpapa
Tūmahi
Whāinga
Ka whakatinana i te aroha, i te manaaki me te awhi i te tangata, kia pūmau ai ngā taiao hei wāhi pārekareka mō te katoa.
- Ōhia manomanotia ētahi tikanga tiaki, whakamahi hoki i te pūrere matihiko.
- Whakarite rārangi ture whakamahi pūrere matihiko mā te akomanga.
Putanga ako
Ka taea e te ākonga
- Te hoatu kōrero i roto i te mahi ōhia manomano mō te kaupapa tiaki pūrere matihiko.
Paearu angitu
Ka angitu te ākonga mēnā ka taea e ia
- te whai wāhi ki te ōhia manomano i te tiaki pai i te pūrere matihiko
- te hanga i ngā ture ā-akomanga mō te whakamahi pūrere matihiko.
He Tauira Ngohe
Kōrerotia, matapakihia ngā ture ā-akomanga kia noho haumaru, kia noho harikoa ngā ākonga katoa.
Te Ngohe
Kua whakamōhio atu te kaiako ki ngā ākonga ka whakamahi rātou i ngā pūrere matihiko i tēnei hōtaka ako. Ka kōrerohia ngā ara me ngā take mō te tiaki pūrere matihiko. Kua kōrero rātou mō ngā tikanga whakamahi pūrere matihiko ahakoa pēhea, ki hea rānei. Ka kōwhiria ētahi ākonga hei kaitiaki pūrere matihiko, hei kohi me te hono atu ki te pūhiko. Ka whakaritea ngā ture, kia auau hoki te kōrero ā-waha a te ākonga.
Ngā whakaritenga
I mua i te tīmatanga. Tuhia ngā whāinga me ngā paearu angitu ki te papa. Whakamahia he pūrere matihiko. Me whakamahi pepa hei tuhituhi i ngā ture kua whakaritea mō te akomanga.
Tīmatanga
Kōrerotia ngā whāinga, ā, ka matapaki ai i te tūmahi. Pānuihia ngā paearu angitu.
Waenganui
E noho ki te taha o te papamā. Kōrerotia te kaupapa o te whakamahi tika i te pūrere matihiko i roto i te akomanga, te tiaki pai hoki. (Whakaatuhia te matihiko me ōna wāhanga). Pātaihia ngā ākonga ki te tuari whakaaro, ka tuhi ai ki te papamā. Matapakihia ngā whakaaro kātahi ka whakarōpū haere, kia tau ki tētahi rārangi e māmā ai te maumahara a ngā ākonga. Kia oti te whakarite mai i ngā ture, tuhia ki tētahi pepa nui ka tāpiri ai ki te pakitara. Tāia hoki he pikitia hei whai i ngā kōrero.
Ētahi atu whakaaro
Whakahaungia ō ākonga ki te whakatinana i ngā ture nei, hei tauira, te kohi i te pūrere matihiko mai i tōna wāhi me ō ringa e rua, te pupuri tika i te pūrere matihiko.
He taunaki mahi
Tā te ākonga
I te whakaahua 1, ka kite i te ōhia manomano o ngā ara hei tiaki me te whakamahi tika i te pūrere matihiko. I te whakaahua 2 i raro iho nei, ka kitea e tētahi ākonga te whakaahua o tētahi atu ākonga i runga i tana pūrere matihiko. Ka whakamahara atu te kaiako ki te rōpū mō te ture tono whakaaetanga i mua i te hopu whakaahua o tētahi tangata. Koia tētahi o ngā ture ā-akomanga mō te whakamahi i te pūrere matihiko.
Whakaahua 1: Ōhio manomano
Te ōhio manomano o ngā ture ā-akomanga kia tiaki pai, kia whakamahi i ngā pūrere matihiko.
He whakawhiti kōrero
Ākonga: He whakaahua tāku o Kaia.
Kaiako: Kaua e wareware ki te pātai atu ki a Kaia. Kaia, ka taea e au te hopu i tō whakaahua Ranginui, ka taea e au te hopu i tō whakaahua?
Ākonga: I hopu au i te whakaahua o Kaia.
Ākonga: I have a photo of Kaia.
Kaiako: Don’t forget to ask Kaia. Kaia, can I take your photo? Ranginui, can I take your photo?
Ākonga: I did take a photo of Kaia.
He whakawhiti ā-tuhi tēnei o tētahi kōrero tūturu.
Whakaahua 2: Tono Whakaaetanga
Kua kitea e tētahi ākonga he whakaahua o tētahi atu ākonga i runga i tana pūrere matihiko.
Rauemi
- Papahiko – tablet
- Papamā (he pepa nui rānei)
- Pene, pine
Aromatawai
Ka mōhio ngā ākonga ki:
- ngā ture mō te tiaki me te whakamahi pai i te pūrere matihiko te whakamahi i ngā ture mō te whakamahi i ngā pūrere matihiko.
Rerenga kōrero
Pai anō taku hopu i tō whakaahua?
Am I allowed to take your photo?
Pai ki a koe taku hopu i tō reo?
Am I allowed to record your voice?
Māku tō whakaahua e hopu.
I will take a photo of you.
Māku tō reo e hopu.
I will record your voice.
Me pēhea tā tātou tiaki pai i te pūrere matihiko?
How do we look after the mobile device?
Me pēhea tā tātou whakamahi tika i te pūrere matihiko?
How do we use the mobile device appropriately?
Ngā Kupu Hou / New Words
Kupu Māori |
Kupu Pākehā |
hopu reo |
record voice |
pūrere matihiko |
mobile device |
kāmera |
camera |
mata |
screen |
hopu whakaahua |
take a photo |
tono whakaaetanga |
seek permission |