Kati
Te papatono rorohiko taketake

Te papatono rorohiko taketake

Tūmahi

Ngohe

Ka whakawhanake ngā ākonga i tētahi marohi mō te otinga matihiko o te rapu tāngata e ngaro ana i tētahi wā ohotata. Ka taea e ngā ākonga te kōwhiri i tētahi reo whakamahi poraka, i tētahi reo hōtuhi rānei ki te whakawhanake i tā rātou papatono. Ka whakamahere ngā ākonga me te tuhituhi i tētahi papatono rorohiko taketake, he mea pai te hanga, ka whakarato i te otinga arorau ki te rapanga. Ka hangore te hanga o te papatono, ka pakari, ka māmā hoki ki te whakapai ake. Ka tāpiri tākupu ngā ākonga ki tā rātou waehere, ka whakamahere i te āhua e arorau ai te whakamātautaunga o te papatono, ā, ka taea te papatono te patuiro e ai ki ngā hua whakamātautau.

Ngā pātai
  • Me tāhopu, me rokiroki i ēhea pārongo?
  • Ka pēhea te whakaraupapa i ngā raraunga?
  • Ka pēhea te whakaatu i ngā raraunga?
  • Ka pēhea te whakamātautau i te papatono?
  • He waehere tāwere?
  • Ka māmā te whakapai ake i te papatono?
Hei anga whakamua
  • Te whakapai ake i te papatono, me te urutau kia hāngai ki tētahi rapanga rite.
  • Te whakakaha i te tōtika o te papatono. Hei tauira, te tautohu me te tango waehere tāwere.
  • Te matapaki hanganga raraunga.
Hononga ki ētahi atu marau

Kua kōwhiria ngā horopaki o te Manaaki Tangata me te Parekura Taiao hei horopaki tūāpapa mō ēnei tauaromahi, nā te mea kei roto he whai wāhitanga haumako mō te tūhono akoranga puta noa i Te Marautanga o Aotearoa.