Kati

Mauri Reo, Mauri Ora

Kei te manawa whakahī a Te Tāhuhu o Te Mātauranga me Whakaata Māori hoki ki te tapae atu i ‘Mauri Reo, Mauri Ora’ hei te roanga o te wāhanga tuarua o te tau kura. Ko tā te hōtaka nei he tuku i ngā momo mea tautoko ā-tuihono, he pāhotanga utu-kore ā-motu o ngā akomanga me ngā ataata mā ngā whānau hei tautoko ake i ngā putanga ako ki te kāinga. Mā te hunga tamariki, mā te hunga taiohi hoki kei ngā tauwāhi mātauranga arareo Māori tēnei kaupapa tae atu ki ngā puna reo, ngā kōhanga reo, ngā kura kaupapa Māori, ngā kura ā-iwi, ngā wharekura, me ngā kōwhiringa reorua, reo rūmaki hoki. Ko Te Korou Whangataua rātou ko Juneea Silbery, ko Ani-Piki Tuari ngā kaiako, ngā mātanga reo Māori hoki ka tū hei kaiwhakatakoto kaupapa mō Mauri Reo, Mauri Ora, me te tautoko mai a tētahi tira – he mātanga marautanga Māori, he kanohi rongonui hoki rātou katoa.

Ka rere ngā hōtaka mai i te Mane ki te Paraire, e ono haora ia rā, hei ngā wiki ngāhuru e haere mai ana, ā, ka whai wāhi ngā hōtaka e ngākaunuitia ana e te iwi pērā i Te Nūtube, Tākaro Tribe hoki, Kia Mau hoki. Arā hoki ētahi hōtaka hou ka waihangatia hei tautoko i te ako ki te reo Māori ka whai wāhi i konei.

Ko ngā momo tautoko mō Mauri Reo, Mauri Ora

Ka whakapāhotia a Mauri Reo, Mauri Ora ki te motu mā te hōngere o Te Reo (hōngere 15 Freeview, hōngere 82 SKY rānei, Vodafone TV hōngere 52 rānei), ā, ka whakaputaina i taua tonu mā te Ipurangi hei te 9 o te ata ki te 3 o te ahiahi (9am-3pm) mai i te Mane ki te Paraire. Pāwhirihia ki konei kia hono atu ai ki te hōtaka ā-Ipurangi.

Ka taea te whiwhi i te rārangi o ngā hōtaka mō tēnei wiki o Mauri Reo, Mauri Ora ki konei