Kati
Ko te arohaehae wāhanga pūtaiao rorohiko

Ko te arohaehae wāhanga pūtaiao rorohiko

Tirohanga Whānui

Ko te arohaehae wāhanga pūtaiao rorohiko

Ka tātari hoki i ētahi wāhanga o te pūtaiao rorohiko (pērā i ngā reo ōkawa, i ngā kawa whatunga tuku kōrero, i te matatini me te ngohengohe, he whakataruna hinengaro, ngā whakairo me ngā rorohiko ataata, raraunga nui) e pā ana ki te wāhanga e whakapakarihia ana e ngā whakaaro matua o ngā hātepe, ngā whakaaturanga raraunga me ngā mahi hanga papatono. Ka arotakea te kōtuitanga o ēnei whakaaro matua i te wā e hoahoatia ana ngā taupanga. Kua whakamahi i tētahi anga pūmanawa hangana kua whakaaetia, ki te hoahoa, ki te whakahiato, ki te tuhi me te whakamātautau i tētahi papatono rorohiko whatutoto.

Ngā putanga ako

E ako ana ngā ākonga ki te:

  1. Whakamahi i tētahi tikanga pūkahatanga pūmanawa kua whakaae whānuitia.
  2. Hoahoa, te whakawhanake, te tuhituhi me te whakamātautau i tētahi papatono rorohiko.
  3. Whakawhanake i ngā taupānga ka whaitake i te ao tūturu.
  4. Tautuhi tauaha hei hopu i te taumahinga matua o te papatono me te whakaaturanga raraunga.
Ngā mōhiotanga

Kua tīmata ngā ākonga ki te mātau haere ki te:

  1. Ako mō te papatonotanga aro ki te ahanoa (OOP).
  2. Whakamahi tauaha mō te taumahinga me te whakaatu raraunga.
  3. Rapu, te tāpiri me te tango raraunga i ngā kohinga maha.
Horopaki

Kua tūpono mai he parekura taiao me te aha kua peia atu ngā tāngata o te hapori. E whakarato ana ngā marae maha o te takiwā i te wāhi noho me te rārangi o ngā tāngata e noho ana i tēnā marae, i tēnā marae. E waihanga ana ngā ākonga i tētahi pūnaha whakahaere raraunga kua whakatōpūtia kia mōhio ai ngā whānau e haumaru ana ngā tāngata nō roto i ō rātou whānau, ā, e noho ana rātou i hea.

Ngā Kupu Hou / New Words
Kupu Māori
Kupu Pākehā

Papatonotanga aro

Object-oriented

ki te ahanoa

Programing

Atanga Whakairoiro Kaiwhakamahi

Graphic User Interface

Hanganga Raraunga

Data Structure

Pātengi Raraunga

Database

Tikanga Pūkahatanga

Software Engineering

Pūmanawa

Methodology