Kati
Whakamahi papatono

Whakamahi papatono

Tūmahi

Ngohe

Ka whakamahi ngā ākonga i tētahi reo papatono whakamahi poraka hei whakawhanake i tētahi papatono ka whakaputa kōrero mō te wātea o ngā wāhi noho i tētahi marae ka whakaputahia mā te tāuru i te nui (ā-mati) o tētahi rōpū. Ka whakamahere ngā ākonga i te hanganga o tā rātou papatono, me te tuhiwaehere mā Scratch, ka whakamātautau hei patuiro. Ka tuhi tākupu ngā ākonga ki tā rātou waehere kia āwhina ai ō rātou hoa i a rātou ki te whakamātautau, kia taea ai hoki te hoatu huatau mō te whakapai ake.

Ngā pātai
  • Me tono i ēhea pārongo?
  • Ka pēhea te rokiroki i ngā raraunga?
  • Ka pēhea te whakaatu i ngā raraunga?
Hei anga whakamua
  • Ka tīmata ngā ākonga ki te whakamahi i tētahi reo hōtuhi pēnei i Python.
  • Ka ako ngā ākonga ki te rokiroki raraunga i rō kohinga.
Hononga ki ētahi atu Marau

Kua kōwhiria ngā horopaki o te Manaaki Tangata me te Parekura Taiao hei horopaki tūāpapa mō ēnei tauaromahi, nā te mea kei roto he whai wāhitanga haumako mō te tūhono akoranga puta noa i Te Marautanga o Aotearoa.