Kati
Ko te panoni rapanga hei waihanga papatono

Ko te panoni rapanga hei waihanga papatono

Tirohanga Whānui

Ko te panoni rapanga hei waihanga papatono

Ka noho takitahi ki te whakaoti hopanga ki tētahi hatepe I āta hangaia nei kia aroā e tetahi purere rorohiko. Ka whakauru i te hatepe ma te hanga i tētahi papatono e whakamahi ana i ngā kōkuhunga i ngā whakaputanga, i ngā raupapanga, i ngā hohoki, ngā rerekētanga o ngā momo raraunga katoa, te whakamahi i ngā paheko whakatairite me ngā paheko taketake. Ka mōhio hoki ki hea whakamahia ai ngā momo anga whakahaere. Ka whakamārama/tuhi i te papatono, me te whakamahi hoki i tētahi ara tika mō te whakamātautau me te patuiro. Ka mārama hoki, ka taea e te rorohiko te pupuri i ngā momo raraunga katoa mā te whakamahi i ngā mati tāhūrua.

Ngā putanga ako

Ka taea e te ākonga te hanga tētahi papatono mā te whakamahi i:

  1. Ngā taurangi o ngā momo raraunga rerekē.
  2. Ngā tohutaumahi e whakaahei ana i ngā paheko maha: AND, NOT rānei.
  3. Ngā rauapapatanga, ngā koropewa me ngā here.
  4. Te hanganga ā-kōwae kia tōtika ai.
  5. Te whakamātautau hei patuiro me te whakapai ake.
  6. A rātou tākupu mō te āhua e mahi ai tā rātou papatono ki te whakarite i ngā whakapainga ake mā te mahi tahi.
Ngā mōhiotanga

E mōhio ana ngā ākonga:

  1. Ki te momo hātepe e tino arotau ana ki te whakaoti i tētahi momo rapanga.
  2. Ka hiahiatia pea tētahi huinga hātepe ki te whakaoti i tētahi rapanga.
  3. Me pēhea te whakamahere i te whakamātautautanga o tētahi papatono.
Horopaki

E torotoro ana ngā ākonga i te ariā o te manaaki tangata me te manaaki i tētahi rōpū nui i te marae, i te kura rānei. I tēnei ngohe e waihanga ana ngā ākonga i tētahi papatono e taea ai e rātou te rapu wāhi noho i te wā ohotata, i tētahi parekura matua rānei.

 

I tikiake mai i http://technology.tki.org.nz Ko te Scratch™ he mea waitohu nā te Scratch Team, ehara i te mea he tautoko, he whakamana, e whakaae ana rānei rātou ki tēnei pae. Mana tārua © Te Tāhuhu o te Mātauranga 2018, engari anō ngā atahanga Scratch™. Kāore tēnei papatono e tautokotia ana e te Tāhuhu o te Mātauranga.

 

Rauemi

Screen Shot 2020 02 26 at 11.08.47 AM

Ngā Kupu Hou / New Words
Kupu Māori
Kupu Pākehā

Hātepe

Algorithm

Whakaoti Rapanga

Problem Solve

Tāhūrua

Binary

Tāuru

Input

Tāputa

Output

Aho

String

Mati

Digit

Whakamātautau

Test

Tōtika

Efficient

Error

Papatono

Program

Tauākī papatono

Program statement

Rapu

Search

Kōmaka

Sort