Kati
Ko te waihanga hātepe papatono

Ko te waihanga hātepe papatono

Tirohanga Whānui

Ko te waihanga hātepe papatono

Kua noho ki te whakaraupapa hopanga ki te hanga hātepe mā te whakamahi i ngā papa waihanga e toru i tēnei mea o te papatono: raupapanga (te raupapa tohutohu), kōwhiringa (te kōwhiri ko tēhea wāhanga o te hātepe e whakahaeretia ai ki ngā uara i tohua), me te tukurua (he tukurua i tētahi wāhanga o te hātepe me te koromeke e whai ana). Ka taea te whakauru i te hātepe mā te hanga i tētahi papatono e whakamahi ana i ngā tāuru, i ngā tāputa, i ngā raupapanga, i ngā koromeke me ngā tohutohu taketake mā te whakamahi i ngā paheko whakatairite.

Ka taea ngā hātepe me ngā papatono ngāwari te patuiro mā te tautohu mēnā kua hē ngā tohutohu, te whakatika i aua hē, me te whakamārama mai he aha i pēnei ai, i pēhea hoki te whakatika. Ka mārama hoki ki te whakaatu mai a te rorohiko i ngā raraunga mā te whakamahi i ngā mati tāhūrua, ā, ka taea e te rorohiko te rapu i ngā raru kua ū ki te rokiroki raraunga me ōna whakawhitiwhitinga. Ka arotakengia ngā momo hātepe e pā ana ki te tere me te pai o te rorohiko ki te rapu me te wehewehe i te raraunga.

Ngā putanga ako

Ka taea e te ākonga te hanga papatono mō tana hātepe:

  1. E whakamahi ana i ngā tāuru h.t. ka tonoa te kaiwhakamahi kia tāuru i ngā mati (tauoti), i tētahi kupu (aho) rānei.
  2. E whakamahi ana i ngā tāputa h.t. ka panoni i ngā atahanga, te oro, ngā kupu rānei i te papatono e whakahaere ana.
  3. E whakaraupapa ana i ngā tauākī papatono hei whakaoti hopanga.
  4. E whakamahi ana i ngā tauākī ‘i te’ me ngā tauākī ‘mō’ hei koromeke i tētahi wāhanga o te papatono kia tutuki tētahi momo here.
  5. E whakamahi ana i ngā tauākī ‘ki te’ hei whakatairite i ngā uara.
Ngā mōhiotanga

E mārama ana ngā ākonga:

  1. Neke atu i te kotahi hātepe ka taea te hopanga kotahi te whakaoti.
  2. He tika ake te whakamahinga o ētahi hātepe h.t. he iti ake ngā takahanga.
  3. Me pēhea te patu i ngā iro o ngā papatono kāore e taumahi tika ana, kāore rānei e mahi ana ki tērā i tūmanakotia.
  4. Ka whakamahia e ngā rorohiko te waehere tāhūrua (ngā raupapa o ngā 0 me ngā 1) kia rapu, kia penapena raraunga.
Horopaki

Kua tūhura ngā ākonga i te tikanga o te manaaki tangata, me te manaaki i tētahi ope nui tonu i te marae rānei, i te kura rānei. I tēnei ngohe, e hanga papatono ana ngā ākonga kia taea ai e ngā tāngata te takiuru ki tētahi marae, ki tētahi kura rānei, ā, kia āhei ai ētahi atu te rapu atu i a rātou. E tino hāngai ana tēnei ngohe ki tētahi tūāhua mate whawhati tata hei ngā wā e māwehe ai ngā tāngata i ō rātou whānau; i tētahi huihuinga nui rānei e māwehe ai ngā tamariki i ō rātou mātua. Mā te papatono e āhei ngā kaiwhakamahi te tuku atu i ngā ingoa, ngā whakaahua, me ngā mōhiohio whakapānga atu.

Rauemi

Screen Shot 2020 02 26 at 10.28.06 AM

Screen Shot 2020 02 26 at 10 v2.28.13 AM

Ngā Kupu Hou / New Words
Kupu Māori
Kupu Pākehā

aho

string

atahanga

image

hapa

error

hātepe

algorithm

here

condition

huanga rapu

search result

kōmaka

sort

kuputuhi

text

mati

digit

paheko whakatairite

comparative operators
pai efficient
papatono programme
patuiro debug
penapena store (data)
rapu search
rapurongoā troubleshoot
rokiroki raraunga data storage
tāhopu to record
tāhūrua binary
tāputa output
tauākī papatono programme statement
tauoti whole number
tāuru input
tuhiwaehere coding
tukurua iteration
whakakē modify

whakaoti hopanga

modify