Kati
He tutohi hura karangatanga

He tutohi hura karangatanga

Tūmahi

Whāinga

Ka tūhura, ka whakauru atu, ka whai māramatanga i ngā huanga me ngā momo oro o te taiao e mahia ana i ia rā. Te ōhia manomano i ngā take, ngā karangatanga me ngā kupu e pā ana.

  • Waihanga tūmahi tūtohi ako karangatanga.
  • Whakarite tūtohi ako me ō hoa.
Putanga ako
Ka taea e te ākonga
  • te whakamahi i ngā tātari rapu ipurangi
  • te raweke ahanoa me ngā ahanoa kua waeherea
  • whakamātau me te whakakē i ngā tūtohi ako
Paearu angitu
Ka angitu te ākonga mēnā ka taea e ia
  • te rapu kia waru nga whakaahua
  • te nuku, te whakarahi, te whakaiti, iti me te raka i ngā ahanoa kua waeheretia
  • te whakahaere tūmahi me ōna hoa.
He Tauira Ngohe

Waihangatia he ngohe ‘Karangatanga’ ororongo. Tāhopukina ngā momo oro i ngā wāhi huhua o te taiao pēnei i:

  1. te marae, te moana, te kura, te ngahere, te tāone, te awa, arā noa atu, arā noa atu.
  2. te tūī, te kōkako, te kiwi, te kererū, te weka, te kea, arā noa atu, arā noa atu.
Te Ngohe

Kua tonoa ngā ākonga ki te waihanga i tētahi ngohe kāwai/karangatanga matihiko ki tētahi kaupapa nā rātou i whiriwhiri. Me aro te ngohe ki tētahi hunga ake, me rua neke atu ngā kōwae/karangatanga, kaua e iti iho i te 6 kupu hei whakakāwai. Me whakaatu hoki i te tika me te hē o ngā whakautu/tīpakonga. Me whakaatu ngā ākonga i tā rātou ngohe ki tētahi rōpū iti hei whakamātau, hei whakahoki kōrero me te whakarerekē rānei.

Tūmahi Matihiko

Ka whakahaungia ngā ākonga ki te waihanga i tētahi tūmahi akomanga mā te whakamahi i te papatono papamā tauwhitiwhiti e hāngai ana ki te kaupapa ā-kura, arā, a Matariki. Ka noho ngā ākonga ki te waihanga i tētahi tūmahi hono kupu ki roto i te papatono ActivInspire, mā te whakamahi kuputuhi, ororongo, atahanga me ngā ahanoa hoki.

Ngā whakaritenga

Ka waihangatia e te kaiako kia rua, kia toru rānei ngā tauira o te tūtohi hura.

  • Me mātua tūhono i te papamā ki te rorohiko, ki te rorohiko pōnaho rānei a te kaiako.
  • Tōna tikanga kua utaina kētia ngā papatono me ngā taupānga ki runga i ngā rorohiko nei.
Tīmatanga

Tuarihia ngā whāinga ka matapaki ai i te tūmahi.

  • kōrerotia anō ngā paearu angitu
  • kua tāuru te kaiako i ngā momo tauira o ēnei momo tūtohi hura ki ngā ākonga, ka matapaki i ngā momo āhuatanga
  • kua tū ngā ākonga ki te papamā tauwhitiwhiti kia pai tā rātou hono i ngā kupu, i ngā atahanga, mā te tōme-whakataka ki te kāwai/karangatanga e tika ana
  • mā te kaiako e whakatauira te tukanga me ngā momo reo matihiko. Tonoa ngā ākonga ki te whakatauira i ngā tohu tukanga kātahi nei ka oti te mahi.
Waihanga

Ka taea e ngā ākonga:

  • te whakamahi i te puka hātepe ‘Kāwai/Karangatanga’ ki te hanga i tētahi tūtohi hura mā te kuputuhi, mā te atahanga rānei;
  • te whakauru ki te kohinga rauemi o ‘He Ara Pāhekoheko’ ka tohu i te tauira tūtohi hura kei reira;
  • te tiaki me te tiki atu i te tūtohi hura nei;
  • te whakauru kuputuhi ki ngā tapanga, ki ngā pouaka tuhi hoki;
  • te whakamahi i ngā tātari rapu a i te ipurangi kia whai wāhi ki ngā atahanga koreutu o reira;
  • te whakamahi i ngā pouaka kia puritia ai ngā ahanoa whai kupumatua;
  • te whakahoki i ngā ahanoa kāre i puritia.
Te Whakamātau me te tuari

Ka taea e ngā ākonga te:

  • whakamātau i te tūmahi tūtohi hura, ki te tiro mēnā kei roto ngā ahanoa i ngā pouaka e tika ana, ka taea hoki te whakahoki mēnā kāre i puritia
  • whakahaere tūmahi ki tā rātou rōpū kia whiwhi urupare, hei mahi anga whakamua.

He taunaki mahi

Tā te ākonga

Ka whakatau a Bobbi rāua ko Enoka ki te whakamahi i te Whakaputa Waehere QR ki te waihanga i tētahi rapunga kaihamu kimi meka i runga ipurangi mō te marae o Ngāti Porou, a Hiruhārama me te rohe. Ka tīmata te ngohe mā te whakaaro me te tuhi i ngā pātai rangahau whānui hei tīmata i tā rāua rapunga ipurangi mō tēnei iwi me te marae.

Ngā hononga ataata

Ataata 1: Te huaki me te tiaki i te tūtohi hura ‘Karangatanga’.

 

Ataata 2: Te whakatikatika pouaka kuputuhi.

 

Ataata 3: He paepae waehere ki te pupuri i ētahi whakaahua noa iho.

 

Ataata 4: Rapua ngā whakaahua i runga ipurangi me te whakauru ki roto i te tūtohi hura.

 

Ataata 5: Te whakarahi/iti i ngā whakaahua kia rite te whānui me te teitei.

 

Ataata 6: Te waehere i ngā whakaahua hei whakahoki mēnā kāore i puritia.

 

Ataata 7: Te waehere whakaahua kia puritia ki tētahi paepae me te tiaki i ngā huringa whakamutunga.

 

Ataata 8: Te kimi, te tiki me te whakamātau i te tūtohi hura.

He whakawhiti kōrero

Kaiako: He aha tāu i kite ai i te wā e whakamātau ana te rōpu i tō ngohe karangatanga?

Ākonga kē: I mahi tika ngā pikitia.

Kaiako: Āe, i ū ngā pikitia katoa ki ngā pouaka hāngai. He taumahatanga i puta mai i te wā e whakamātau ana te rōpu i tō ngohe?

Ākonga kē: Kāore rātou i te mōhio he aha ētahi o ngā pikitia.

Kaiako: Āe, kāore rātou i te mōhio he aha te hākinakina e whakaatia ana i ētahi o ngā pikitia, nē rā? He aha ai?

Ākonga kē: He iti rawa ngā pikitia.

Kaiako: Ka pai, me pēhea koe e whakangāwari, kia mōhio wawe ngā ākonga ki te momo hākinakina e tohua ana i ngā pikitia?

Ākonga kē: Me whakarahi i ngā pikitia? Purua pea te ingoa ki raro i ngā pikitia?

Kaiako: Me pēhea te tāpiri ake i te oro reo?

Ākonga kē: Āe, he pai tērā whakaaro!

 

Kaiako: What did you notice when you shared your flipchart with the group?

Ākonga kē: All the pictures worked.

Kaiako: Yes, all the pictures were contained in their corresponding containers. Were there any problems you noticed when the group were testing your flipchart?

Ākonga kē: They didn’t know what some of the pictures were.

Kaiako: Yes, they couldn’t identify the sport in some of the pictures. Why was that?

Ākonga kē: The pictures were too small.

Kaiako: Ok, what can you do to make it easy for others to identify the sport?

Ākonga kē: Make the pictures bigger? Add the names under the pictures.

Kaiako: How about adding audio?

Ākonga kē: Yes that’s good.

 

He whakawhiti ā-tuhi tēnei o tētahi kōrero tūturu.

Rauemi
  • Rorohiko/rorohiko pōnaho
  • Papamā pāhekoheko/Papamā
  • pūmanawa ActivInspire.
  • te kohinga rauemi He Manu Tuhituhi, He Ara Pāhekoheko
  • Puka mō te tahua kupu, pene, pine
Aromatawai
Ka taea e ngā ākonga te:
  • whakaatu me pēhea te rapu i ngā whakaahua koreutu o te ipurangi
  • tohu me te tiki i te tūtohi hura i tiakina
  • whakamātau i te tūtohi hura i hangaia.
Hononga ki te Marautanga
Mahi Toi Whenu: Toi Puoro Taumata: 1
Rerenga kōrero

Huakina te ngohe karangatanga
Open the category activity

Patohia tō kupu
Type your word

Tiakina tō kōnae ki tō kōpaki
Save the file to your folder

Waihangatia he tūtohi hura
Create a flipchart

Whakatikaina te pouaka kuputuhi
Edit the text box

Tāurua he kupu
Enter a word

Ngā Kupu Hou / New Words
Kupu Māori
Kupu Pākehā

kāwai/karangatanga

category

patohia

type (text)

pāwhiritia

click

pehu

cursor

pouaka kuputuhi

textbox

tahua

menu

tapanga

title

tātari rapu

search filter

tāuru

enter

tūtohi hura

flpchart

waehere

code

whakakē

modify

whakatika tuhinga

edit text