Kati
Ko te whakatau tikanga pūnaha tūturu

Ko te whakatau tikanga pūnaha tūturu

Tirohanga Whānui

He Whakataki

Kei te akomanga. Kua ako ngā ākonga mō ngā tāuru me ngā tāputa o te pūnaha me te maha o ngā momo taupānga i runga ipurangi pērā i te ClassFlow, te Kahoot me te Waihanga Waehere Urupare (Waehere QR). Kei te mārama rātou ka tāuru raraunga te tangata ki roto ki ēnei taupānga, ka panoni ngā taupānga i te raraunga ki te waehere tāhūrua kia mārama te rorohiko kātahi ka whakaputaina e te rorohiko tētahi putanga, tētahi huanga/hua rānei.

Tā tēnei mahi e whakaatu ana

Mā tā rāua waihanga i te rapunga kaihamu kimi meka waehere urupare i runga ipurangi e whakaatu ana a Bobbi rāua ko Enoka e taea e rāua:

  • te rapu me te kimi i ngā mōhiohio hāngai ki te kōrero i runga ipurangi
  • te āta whakamahi i te whānuitanga o ngā momo taupānga, me ngā momo kōnae mō ētahi tino take
  • te mārama kua mōhio ki hea ngā kōrero hei tikiake, me pēhea hoki te tiki anō
  • te mārama ki ngā tāuru me ngā tāputa o pūnaha kē
  • te whakamātau, te tuari me te whakaatu kōrero he ngāwari te whakauru mā ētahi atu mā te whakamahi pūrere matihiko.
Ngā momo tikanga
  • Mātua whakarite kia rahi ake te waehere urupare kia pai ai te karapa.
  • Mātua whakarite kia nui te wāhi mā e karapoti ana i te waehere urupare.
  • Tirohia ō waehere urupare i mua i te tānga, ki te tiro mēnā kei te tika, ā, kia tika hoki te raupapa.

 

I tikiake mai i http://technology.tki.org.nz Ko te Classflow he mea waitohu nā Promethean World, ehara i te mea he autoko, he whakamana, e whakaae ana rānei rātou ki tēnei pae. Mana tārua © Te Tāhuhu o te Mātauranga 2018, engari anō ngā atahanga Classflow. Kāore tēnei papatono e tautokotia ana e te Tāhuhu o te Mātauranga.

I tikiake mai i http://technology.tki.org.nz Ko te Kahoot! he mea waitohu na Kahoot! Services, ehara i te mea he tautoko, he whakamana, e whakaae ana rānei rātou ki tēnei pae. Mana tārua © Te Tāhuhu o te Mātauranga 2018, engari anō ngā atahanga Kahoot!. Kāore tēnei papatono e tautokotia ana e te Tāhuhu o te Mātauranga.