Kati
Ko te hanga hātepe

Ko te hanga hātepe

Tirohanga Whānui

Ko te hanga hātepe

Ka mārama ko tēnei mea te hātepe, he tukanga tohutohu ki te whakaoti rapanga/hopanga, ka taea hoki te whakamahi i ēnei ki te tuhi papatono rorohiko, ā, me tika, me hāngai ngā tohutohu kia taea ai e te rorohiko te whai. Ka hoatu, ka whai hoki i ngā hātepe patuiro ngāwari i roto i ngā taiao rorohiko, rorohiko-kore hoki. Ka taea ēnei hātepe te whakamahi ki te hanga papatono māmā mā te whakauru i ngā mea pēnei i te tāuru, i te tāputa me ngā raupapanga i tēnei taiao hanga papatono.

Ngā putanga ako

Ka taea e te ākonga:

  • te tautohu i tētahi tauira tāruarua
  • te tautohu hapa i tētahi tauira tāruarua, ā, ka whakatika ai
  • te tuku me te whai tohutohu māmā kia whakahaere, kia hanga rānei i tētahi tauira tāruarua
  • te whakamātau tohutohu, te tautohu hapa me te whakatika i ngā hapa i kitea.
Ngā mōhiotanga

E mārama ana te ākonga:

  • ko ngā hātepe he kohinga tohutohu māmā, e āta rārangihia ana hei whakaoti rapanga/hopanga, ā, hei tuhi papatono rorohiko hoki
  • e tika ai te papatono rorohiko, me tika, me mārama ngā hātepe (tohutohu) hei whai, ko te tuhi hātepe kia whakaoti tūmahi ki te reo e māramatia ana e ngā rorohiko me ngā karetao, koia nei, ko te papatonotanga
  • ko tētahi o ngā reo o te papatono rorohiko e whāia ana, arā, ko te Waehere Tāhūrua, ā, e 2 noa iho ana tau, ko te 0 me te 1.
Horopaki

Kua tūhura ngā ākonga i te tikanga o te manaaki tangata, me te manaaki i tētahi ope nui tonu i te marae rānei, i te kura rānei. I tēnei tūmahi:

  • e whakarite ana ngā ākonga i ngā moenga mō ngā manuhiri
  • e hora ana ngā ākonga i ngā tēpu i te wharekai hei whāngai i te whānau.
Rauemi
  • He tukutuku (whakaahua kei KONEI).
  • Ahakoa te wā, ahakoa te wāhi ka āhei ngā tamariki te tuku, te whai tohutohu māmā - kei te papa tākaro, te akomanga, te marae, te māra kai, te kāinga, te mea, te mea.
  • Whakaaro Rorohiko ataata kei KONEI.
Ngā Kupu Hou / New Words
Kupu Māori
Kupu Pākehā

Hapa

error

Hātepe

algorithm

kōrea

wheelchair

pai

efficient

papatono

programme

patuiro

debugging

tāhūrua

binary

taupā

obstacle

tautohu

identify

tūhura

explore
waehere tāhūrua binary code

whaikano

coloured
Whakaaro Hātepe Algorithmic Thinking

Whakaaro Rorohiko

Computational Thinking

whakaoti hopanga

problem solve