Kati
Waihanga ngohe pāhekoheko

Waihanga ngohe pāhekoheko

Tūmahi

Whāinga

Ka whakaatu i ngā tikanga o te noho haumaru me ngā pūnaha haumaru mō te mahi tīrākau.

  • Waihangatia he tūtohi hura āta pānui.
  • Tuaritia tō tūtohi hura me ō hoa.
Putanga ako
Ka taea e ngā ākonga te
  • tautohu i ngā taupānga rerekē
  • whakamahi i te pūrere rapu
  • whakawhiti kōrero mai i tētahi papatono ki tētahi atu
  • rāwekeweke i ngā ahanoa matihiko
  • whakamātau me te panoni i te tūtohi hura.
Paearu angitu
Ka angitu ngā ākonga mēnā ka taea e ia te
  • tohu i tētahi taupānga e tika ana mō tētahi tino mahi
  • tiro i ētahi tino kōrero i runga ipurangi
  • tīpako, ka tō, ka whakataka i ngā kōrero mai i te ipurangi ki te tūtohi hura
  • nuku, whakarahi, whakaiti rānei i ngā ahanoa waehere raka
  • whakahaere tūmahi me ō hoa.
He Tauira Ngohe

Waihangatia he ngohe ‘Hura & Huna’, e pā ana ki tētahi o ngā tauira mahi ā-tuhituhi e whai ake nei:

  1. He karakia tī rākau
  2. Te whakapapa o te tī rākau
  3. Ngā tikanga haumaru o te tī rākau
Te Ngohe

Ka tīpakohia e ngā ākonga tētahi kaupapa e wānanga ana rātou i ā rātou akoranga. Kei a rātou te mana tuhi, pato, karapa, tārua, rapu rānei i runga ipurangi mō ngā kōrero e hāngai ana ki tō rātou kaupapa. Kātahi ka tonoa rātou ki te whakamahi i tā rātou tīpakonga kuputuhi ki te waihanga tūmahi āta pānui pāhekoheko matihiko mā te whakamahi i ngā ahanoa kua waiherea kētia ki te huna me te hura i ngā momo kupu huna. Kei te whai ngā ākonga i te hātepe hei ārahi i a rātou Ki te waihangatanga o tā rātou tūtohi hura.

Tūmahi 1: Ngā Taupānga

Me matapaki ka whakarato i ētahi tauira o ngā taupānga rerekē me ō rātou pūtaketanga. (tūmahi papamā pāhekoheko whakataurite).

Whāia atu ngā mahi me tētahi ripanga tūmahi.

Tūmahi 2: Tūmahi Matihiko

Mā te kaiako e:

  • tuari ngā whāinga ka matapakihia ngā tūmahi.
  • kōrero mō ngā paearu angitu
  • hoatu kape o te tūmahi pānui
  • whakamōhio atu ki ngā ākonga mō te mahere huna me te hura i waihangatia e ia. Ka pānui takirua ngā ākonga i ngā tūmahi pānui, kātahi ka tuhi i ngā whakautu ki te pepa
  • pātaihia ngā ākonga ki te pānui i ngā kōrero ka homai whakautu mō ngā kupu e ngaro ana. Ka tū ngā ākonga ki te papamā ka pāwhiri i te ahanoa e huna ana i te kupu, kia kitea te whakautu tika
  • whakamahi i te ripanga hātepe ‘Huna me te Hura’, kua whakarōpūhia, kua whakatauiratia e te kaiako te tohutohu tukanga, ngā utauta, te rārangi kōwhiri me ngā kupu e tika ana.
Ngā whakaritenga

Pātaihia ngā ākonga ki te rapu kōrero poto e pā ana ki tētahi kaupapa e rangahautia ana e rātou i runga ipurangi, ka whakamahi mō ā rātou tūmahi āta pānui.

Waihanga

Ka whai ngā ākonga i te tukanga ‘Huna me te Hura’ ki te:

  • uru atu ki te kohinga rauemi o ‘He Ara Pahekoheko’, te tohu me te huna me te hura i te tauira tūtohi hura
  • tiaki me te tiki atu i te tūtohi hura
  • te tohu mōhiohio i runga ipurangi
  • te whakauru kōrero mai i tētahi taupānga kē, ki tōna tūtohi hura
  • raweke, te tārua, te tāraro me te raka i ngā kōrero
  • whakarahi, whakaiti, te nuku, ka raka i ngā waehere ahanoa hei huna i ngā kupu.
Katinga

Tirohia anō ngā whāinga me ngā paearu angitu. Pātaihia ngā ākonga he aha:

  • tētahi mahi i ākona e koe
  • tētahi mahi uaua
  • tētahi mahi tino pai
  • tētahi mea i pā i te tirohanga a ō hoa ki te tūtohi hura.

He taunaki mahi

Ngā hononga ataata

Te huaki me te tiaki i te tūtohi hura Hura me te Huna

 

Ataata 1: Te tīpako i te tō me te taka o te kuputuhi i te paetukutuku ki te tūtohi hura

 

Ataata 2: Te tautohu kupu hei huna

 

Ataata 3: Te neke, te whakarahi, te whakaiti, te raweke i ngā ahanoa kua waeherea kētia hei huna i ngā kupu

 

Ataata 4: Te raka ahanoa

 

Ataata 5: Te waihanga rārangi tautoko o ngā kupu me te tiaki i ngā huringa

 

Ataata 6:

He whakawhiti kōrero

Kaiako: He aha tāu i kite ai i te wā e whakamātau ana te rōpu i tō ngohe hura me te huna?

Ākonga kē: He māmā ki a rātou.

Kaiako: Me pēhea te whakauaua ake i te mahi mā rātou?

Ākonga kē: Tērā pea ko te tiki tuhinga roa, uaua hoki.

Kaiako: He whakaaro anō?

Ākonga kē: Āe, tangohia pea ngā kupu āwhina?

Kaiako:Ka pai!

 

Kaiako: What did you notice when you shared your flipchart with the group?

Ākonga kē: They found it too easy.

Kaiako: What can you do to make it more challenging?

Ākonga kē: Perhaps get a longer or more difficult text.

Kaiako: Anything else?

Ākonga kē: Yes, perhaps take out the support word list.

Kaiako: That’s good!

Rauemi
  • Rorohiko/Rorohiko pōnaho/papamā
  • pūmanawa ActivInspire.
  • He Manu Tuhituhi, mōkī rauemi He Ara Pāhekoheko
  • Ngohe tūmahi (ngā taupānga me a rātou pūtaketanga)
Aromatawai
Ka taea e ngā ākonga
  • te whakaatu me pēhea te tō, ka whakataka i ngā kōrero mai i te ipurangi ki te tūtohi hura
  • tiro ka tiki atu i te tūtohi hura i tiakina
  • whakamātau i tā rātou mahinga Hura me te Huna mō tā rātou tūtohi hura.
Hononga ki te Marautanga
Hauora Whenu: Waiora/Haumarautanga Taumata: 2
Rerenga kupu

Ko tēhea taupānga ka huaki au ki te tirotiro whakaahua?
Which app do I open to view photos?

Ko te Atahanga te taupānga ka huaki ki te tirotiro whakaahua!
‘Photos’ is the app you open to view photos

Ngā Kupu Hou / New Words
Kupu Māori
Kupu Pākehā

Herea ngā paepae waehere

Lasso the coded containers

Kōwhiria te ahanoa whetū/porohita

Select the star object

mārei

lasso

Pāwhiria te ...

Click the ...

Patohia tō ...

Type your ...

Pāwhiria te utauta ahanoa

Click the object tool

Whakatikaina te pouaka kuputuhi

Edit the text box