Kati
Tūtohi hura pāhekoheko

Tūtohi hura pāhekoheko

Tūmahi

Whāinga

Ka mōhio ki ngā āhua ahu-2, pērā i te tapatoru, te tapawhā rite, te tapawhā hāngai, te porowhita, te taparima, te tapaono me te tapawaru.

Ka mārama haere ki te hurihanga wai me ōna pānga ki te āhuarangi

  • ōhia manomanotia ētahi atu pūrere matihiko me ō rātou pūtaketanga
  • te waihanga i tētahi tūmahi tūtohi hura pānui
  • te whakahaere kōrero me ō hoa.
Putanga ako
Ka taea e ngā ākonga te
  • whai māramatanga mō ngā pūrere matihiko me ō rātou pūtaketanga
  • rapu i te tauira mō te tūtohi hura
  • tiaki me te pupuri i te kōnae tūtohi hura
  • tāuru kupu ki ngā pouaka kuputuhi
  • rāwekeweke i ngā ahanoa
  • whakamātau me te whakakē i te tūtohi hura.
Paearu angitu
Ka angitu te ākonga mēnā ka taea e ia te

• tautohu i ngā pūrere matihiko e rua

• homai kia rua ngā tauira o ngā pūrere nei

• tohu me te tiki atu i te kōnae tūtohi hura

• tāpiri kōrero me ngā ahanoa whetū ki te tūtohi hura

• whakahaere tūmahi me ngā hoa.

He Tauira Ngohe

Waihangatia he ngohe ‘Whakataurite’ pēnei i:

  1. te kōnae ororongo ki tōna āhua ahu-2
  2. te kupu ki tōna āhua ahu-2
  3. te kōnae ororongo ki tōna kupu ahu-2.
He Tauira Ngohe

Waihangatia he tūtohi hura whakataurite ka tautohu/ tapa i tētahi hoahoa hurihanga wai ki ngā ingoa hāngai.

Te Ngohe

Kua arahina ngā ākonga, kua whiwhi tohutohu hoki rātou kia whakauru atu ki te mōkī rauemi ‘He Ara Pāhekoheko’ ka tonoa hoki rātou kia waihanga i tētahi tūtohi hura pāhekoheko ki te tautohu i ngā ingoa Māori o ngā whetū takitahi i roto i tētahi huinga whetū, i tētahi kāhui whetū rānei. Kātahi ka hoatu ngā ākonga i tā rātou tūtohi hura ki tētahi hoa hei whakamātau, hei arotake hoki.

Tūmahi 1: Pūrere Matihiko
  • Me matapaki ka ōhia manomano i ngā momo pūrere matihiko rerekē katoa, me te take i hangaia ai e te tangata.
  • He aha ngā momo pūrere matihiko ka whakamahi koe i te kāinga, i te kura rānei?
  • Wehewehea, kātahi ka whakarārangi anō i ngā pūrere matihiko me ngā pūrere matihiko kore (papahiko me te papamā pāhekoheko).
  • Matapakihia ngā pūrere matihiko me ō rātou pūtaketanga. Mahia he ngohe tūmahi.
Tūmahi 2: Tūmahi Matihiko

Ka whakahaungia ngā ākonga ki te waihanga i tētahi tūmahi mā te whakamahi i te papatono papamā tauwhitiwhiti e pā ana ki te rangahau whānui ā-kura mō Matariki. Ka waihangatia e ngā ākonga tētahi tūmahi honohono mā roto i te papatono ActivInspire, ka whakamahi i ngā kuputuhi, ngā ororongo, ngā atahanga me ngā ahanoa.

Tīmatanga
  • Tuarihia ngā whāinga ka matapaki i te tūmahi.
  • Kōrerohia ngā paearu angitu.
  • Kua kōrero te kaiako mō te tūtohi hura i waihangatia e ia tonu.

Kua tū mai ngā ākonga ki te papamā ki te hono i ngā kupu ki ngā kupurite mā te tō i te pere mai i te kupu ki tōna whakautu tika. (Ki te kore te pere e noho atu, he tohu tēnā e hē ana te whakautu).

  • whakaatuhia he whakaahua o tētahi kāhui whetū, pātaihia ngā ākonga ki te tautohu me te whakaingoa i ia o ngā whetū (tūmahi whakaingoa)
  • ka whakaingoa, ka tā pikitia ngā ākonga o te kāhui whetū e akoakohia ana e rātou i roto i ngā mahi Tikanga ā-Iwi.
Te Mahi me te Whakaū Pūkenga Matihiko
  • Mā te whakamahi i te ngohe hātepe ‘Whakataurite’, whakarōpūhia, kātahi ka whakatauira i ngā tohutohu o te tukanga tae atu ki ngā kupu me te reo e tika ana. Whakamahia ngā ākonga ki te whakamārama me te whakatauira i ngā tohutohu o te tukanga i mahia i te papamā pāhekoheko me ngā tohutohu a te kaiako.
  • Ka mahi takirua ngā ākonga ki te whakamātau i ngā tohutohu tukanga. Kua tohutohu atu te ākonga 1 ki te ākonga 2, māna hei whakamahi ki runga rorohiko. Kua huri rāua ki te mahi anō, ko tētahi kē te kaitohutohu.
Waihanga

Ka whai ngā ākonga i te hātepe me ngā tohutohu a te kaiako kia:

  • hono atu ki te kohinga rauemi ‘He Ara Pahekoheko’ ka tiki atu i te tauira tūtohi hura
  • tiaki kātahi ka tiki atu anō i te tūtohi hura
  • whakaurua ngā kōrero mō te tapanga ki ngā pouaka kuputuhi
  • waihangatia he kāhui whetū mā te whakamahi i te utauta ahanoa
  • raweke, kia tārehu, kia whakarahi, kai whakaiti, kia nukuhia, kia rakaina ngā ahanoa waehere me ngā ahanoa waehere kore.
Otinga

Tirohia anō ngā whāinga me ngā paearu angitu.

Pātaihia ngā ākonga he aha:

  • tētahi mahi i ākona e koe
  • tētahi mahi uaua
  • tētahi mahi tino pai
  • tētahi mea i pā i te tirohanga a ō hoa ki te tūtohi hura.

He taunaki mahi

Tā te ākonga

Kua kite, kua huaki, kua tiaki te ākonga i tētahi tūtohi hura whakataurite kia tīmata te whakarite ake i roto o He Manu Tuhituhi – He Ara Pāhekoheko.

 

Ataata 1: Te huaki i tētahi tūtohi hura ‘He Ara Pāhekoheko’

 

Ataata 2: Te huaki me te tiaki i te tūtohi hura ‘Whakataurite’

 

Ataata 3: Te whakatikatika me te raka pouaka kuputuhi whakaūpoko

 

Ataata 4: Te whakatikatika i ngā pouaka kuputuhi ‘Pātai #’

 

Ataata 5: Te whakakore i ngā pouaka kuputuhi kāore e hiahiatia ana me te whakarerekē i te rahi o ngā ahanoa

Ataata 6: Te waihanga huinga whetū mā te whakamahi i te utauta ahanoa

 

 Ataata 7: Te raweke i ngā ipu kua waeherea

 

Ataata 8: Te tiaki huringa

He whakawhiti kōrero

Kaiako: He aha tāu i kite i te wā e whakamātau ana tō hoa i tō ngohe whakataurite?

Ākonga kē: Kāre ngā aratohu e rua i mahi tika i te wā i whakamahi ia. (i ū ki te whakautu tika)

Kaiako: He aha pea te pūtake i raru ai ngā aratohu nā?

Ākonga kē: Kāre ngā paepae waehere e nui rawa ki te pupuri i te upoko o ngā aratohu.

Kaiako: Me pēhea te whakatika?

Ākonga kē: Me whakarahi ake ngā paepae kia ū ngā upoko aratohu ki roto.

Kaiako: What did you notice when your friend tested your flipchart?

Ākonga kē: Two of the arrows didn’t work the first time she tried it.

Kaiako: What might have caused these arrows to malfunction?

Ākonga kē: The coded containers weren’t large enough to contain the arrowhead.

Kaiako: How can you fix this?

Ākonga kē: Make the containers larger to fit the arrowheads.

 

'He whakawhiti ā-tuhi tēnei o tētahi kōrero tūturu.'

Rauemi
  • Rorohiko/rorohiko pōnaho
  • Mata nui hei whakatauira mahi (Papamā)
  • pūmanawa ActiveInspire. https://support.prometheanworld.com/download/ activinspire.html
  • He Manu Tuhituhi, te kohinga rauemi He Ara Pāhekoheko
  • Pepa mō te rārangi kupu, he pene, he pine
  • Ripanga Tūmahi (Ngā Pūrere Matihiko me ōna Pūtaketanga).
Aromatawai
Ka taea e ngā akonga te
  • whakaatu me pēhea te tāpiri kōrero me te waihanga ahanoa
  • raweke, te tārehu, te whakarahi, whakaiti, te nuku me te raka i ngā ahanoa waehere me ngā ahanoa waehere kore
  • tohu ka tiki atu i te tūtohi hura kua rokia
  • whakamātau i te whakamahinga o te tūtohi hura.
Hononga ki te Marautanga
Pāngarau Whenu: Te Ine me te  huahanga/Te Hanga Taumata: 1
Pūtaiao Whenu: Te Ao Tūroa/Papatūānuku Taumata: 4
Rerenga kōrero

Herea ngā paepae waehere
Lasso the coded containers

Kōwhiria te ahanoa whetū/porohita
Select the star object

Pāwhiria te …
Click the …

Patohia tō …
Type your …

Pāwhiritia te utauta āhua
Click the object tool

Whakatikaina te pouaka kuputuhi
Edit the text box

Ngā Kupu Hou / New Words
Kupu Māori
Kupu Pākehā

ahanoa whetū

star object

ata whakatīaho

translucency icon

kua raka

locked

muhani

fade

pāwhiri

click

pātuhi

type

pouaka kuputuhi

text box

tāhua

menu

ūkuia

erase

whakaiti

resize smaller
whakataurite matching
whakatika tuhinga edit text