Kati
Te rārangi kupu ritenga ake

Te rārangi kupu ritenga ake

Tūmahi

Whāinga

Ka tūhura, ka whakamahi, ka whai māramatanga, ka whakanui i ngā huanga o te whakaari mā te tinana, mā te oro, me te kupu.

  • Ōhia manomanotia he rārangi kupu hou mō tētahi kaupapa.
  • Waihangatia tētahi kōpaki whakarite ki te taupānga Puna, kia rima ēnei mea, me whakaahua, me ororongo hoki, ā, whakaingoatia mai ia o ngā mea rā.
  • Whakamātauhia te kōpaki whakarite mā te tākaro i te taupānga Puna.
Putanga ako
Ka taea e ngā ākonga te
  • whai wāhi atu ki ngā mahi ōhia manomano mō ngā kupu hou, hei tāpiri ki te kōpaki
  • whai māramatanga he tauira tāuru ēnei
  • tohu, ka tāpiri i tētahi kupu hou, atahanga hou, ororongo hou rānei ki te kōpaki whakarite
  • tāpiri kia 5 neke atu rānei ngā kupu hou me ngā atahanga e tika ana (mai i te kāmera o tō pūrere)
  • tāpiri i tētahi ororongo mō ia kupu me tōna whakahuanga tika
  • whakamātau i te kōpaki whakarite mā te tākaro ki te taupānga Puna.
Paearu angitu
Ka angitu te ākonga mēnā ka taea e ia
  • waihanga rārangi kupu hou
  • homai kia rua ngā tauira tāuru
  • tāpiri kia 5 neke atu rānei ngā kupu hou ki te kōpaki whakarite, me te tāpiri atu i te atahanga me te ororongo
  • whakamātau i te kōpaki whakarite mā te tākaro ki te taupānga Puna.
He Tauira Ngohe

Waihangatia tētahi kōpaki whakarite e hāngai ana ki ngā mahi a Rēhia (e hāngai pū ana ki tēnei mahere ako).

He Tauira Ngohe

Waihangatia tētahi kōpaki whakarite mō ngā kīrehe korehāhā, nō neherā anō i ora ai.

Te Ngohe

Ka whiwhi ngā ākonga i ngā tohutohu mō te waihanga i tā rātou ake kōpaki mō ngā kupu hangarau matihiko ki roto i te taupānga ‘Puna’. Hei mahi mā te akomanga, ka whakahiatohia he rārangi kupu mō te hangarau matihiko hei titiro mā rātou. Ka tīpako ngā ākonga kia rima neke atu rānei ngā kupu ka hiahiatia e rātou i tā rātou kōpaki hei ako, hei whakaū mā rātou mā roto i te taupānga. Ka tāuru ngā ākonga i ia kupu ki roto i te taupānga me tētahi atahanga (mā te tango whakaahua, mā te tiki atu rānei i te taiwhanga atahanga kua oti kē te tiaki) me te hopunga ororongo (mā te hopu i a rātou anō, mā te tiki atu rānei i tētahi kua tiakina ki te pūrere). Ka whakamātauria te kōpaki e ngā ākonga mā roto i te taupānga Puna ka tuari i ngā hopunga ororongo o te whakahua me te tuhinga tika o ia kupu mā te īmēra ki te kaiako. Ka hoatu hoki ngā ākonga i tā rātou iPapa/papahiko ki tētahi hoa hei whakamātau i tā rātou kōpaki whakaritenga mā roto i te taupānga.

Ngā whakaritenga

I mua i te tīmatanga. Tuhia ngā whāinga me ngā paearu angitu ki te papa. Me hono i te papahiko ki te pouaka whakaata hei whakatauira i ngā mahi. Whakairihia te rau pepa hei wānanga, hei ōhia manomano.

Tīmatanga

Kōrerotia ngā whāinga, ā, ka matapaki ai i te tūmahi. Pānuihia ngā paearu angitu.

Hei mahi

E noho ki te wānanga. Kōrerohia te kaupapa o ngā kupu hou, ka tuhi i ētahi kupu ki te rau pepa, ka tā i tētahi pikitia. Oti pai ana te rārangi, whakamātauhia te whakahuahua i ngā kupu.

Whakamāramatia tēnei wāhanga e mea ana me whakamahi i te taupānga Puna hei whakapakari i ngā ākoranga o ngā kupu hou nei. Me tūhono te papahiko ki te pouaka whakaata ka tika, kia kite ai ngā ākonga i a koe e whakatauira ana i ngā mahi.

Rapua te taupānga Puna, ka haere ki te kōpaki whakarite. I roto i te mahinga o ēnei mahi, me whakamārama atu e aha ana koe.

  • Ngā tautuhinga (ata kōpaetara, taha mauī o raro)
  • ku kōpaki whakarite
  • Pātōtō hei waihanga kōpaki hou
  • Tapaina te kōpaki hou
  • Pēhia te ingoa kōpaki
  • Pātōtō hei tāpiri kupu
  • Tāpirihia te kupu, te pikitia me te ororongo.

Tāpiritia tētahi kōpaki, ka whakaingoa. Tāpiri tāurutanga hou. Kōrero mō ngā wāhanga o ngā tāurutanga (ngā momo tāurunga), he kupu, he whakaahua, he ororongo. (Tohua he kupu mai i te tahua kupu).

Hopu whakaahua o tētahi mea e whakaatu ana i te kupu hou (me whakaaro ake mō ngā rautaki toro whakaahua mēnā kāre i te kura/akomanga/rohe, hei tauira, mā te ipurangi).

Tāpiritia te ororongo ka whakahua tika i te kupu. Tiakina te tāurutanga. Mā te kaiako e tāpiri tētahi kupu hou, engari ka pātai ki te ākonga kia kōrerotia te tukanga. Ā, uru ana te kupu, pātaihia ngā ākonga ki te tāpiri i te kupu, i te whakaahua, me te ororongo hou. Mutu ana tēnei mahi a ngā ākonga, whakatauiratia me pēhea te purei i te kōpaki whakarite ki te taupānga.

Tautohua ētahi kāri kōhiko (flash cards) hei whakaputanga.

  • I te whārangi kāinga, miri whakamātau kia kitea rā anō i te Kōpaki whakarite
  • Pēhia te taitara o te kōpaki ritenga ake
  • Kōwhiria he kēmu – Kite Rite! /Wero Hinengaro/ Wero Mahara/Wero Tuhi/Wero Whatu
  • Tīmata
Whakarāpopoto

Hoki atu ā-rōpū ki te whakawhiti kōrero. Tirohia anō ngā whāinga me ngā paearu angitu. Pātai whakaputa: (i mua i te haerenga a ngā ākonga, tukuna ngā pātai nei ki a rātou)

  • He tētahi mea i ako koutou?
  • He aha tētahi mea āhua uaua ki te mahi?
  • He aha tētahi mea tino pai rawa? 

He taunaki mahi

Tā te ākonga

Kua waihanga te ākonga i tētahi kōpaki o ngā kupu hangarau matihiko mā roto i te taupānga. Kei roto i ia tāurunga he kuputuhi, he whakaahua me tētahi hopunga ororongo.

 HMC1803 VUW 1M 1

Whakaahua 1 me te 2: Te hanga kōpaki ritenga ake
Kua kitea te āhuatanga o te kōpaki ritenga ake, kua waihangaia he kōpaki hou.

 

HMC1803 VUW 1M 2

Whakaahua 3: Hopu whakaahua
Kua kitea te tūemi hei hopu whakaahua, kua hopukina tōna whakaahua.

 

HMC1803 VUW 1M 3

Whakaahua 4: Tāuru raraunga 1 – he whakaahua nō tētahi taiwhanga pikitia
Kua tāpirihia te tāurunga hou, me ngā kuputuhi, te ororongo me te whakaahua kua tīkina mai i te taiwhanga pikitia kei te pūrere.

 

HMC1803 VUW 1M 4

HMC1803 VUW 1M 5

Whakaahua 5 me te 6: Kua tīkina te kōpaki ritenga ake
Kua tākarohia, kua whakamātauria te kōpaki whakarite mā roto i tētahi o ngā kēmu o te taupānga.

 

HMC1803 VUW 1M 6

Whakaahua 7: Kua tiri i te tuhinga
Kua tiri i te tuhinga mā te īmēra ki te kaiako.

 

Ngā hononga ataata

Ataata 1: Te waihanga kōpaki whakarite

 

Ataata 2: Te hopu reo – Kata

 

Ataata 3: Tango whakaahua – Pare

 

Ataata 4: Tango whakaahua – Rākau

 

Ataata 5: Kopaki whakarite – Kia Rite

 

Ataata 6: Takaro Kōpaki whakarite

 

Ataata 7: Tuhinga – Pare

 

Ataata 8: Te tuari tuhinga mā te īmēra

 

Ataata 9: Te mātakitaki tuhinga kua tuaria – Raukura

He whakawhiti kōrero

Kaiako: I a koutou e whakarite ana i tō kōpaki kapa haka, i aha koe?

Ākonga: I hopu whakaahua.

Kaiako: Aē, i aha atu?

Ākonga: I tuhi kupu.

Kaiako: I pēhea te mahi?

Ākonga: I tuhi i te ingoa. I whakarite i te whakaahua. I tuhi ki te papahiko.

Kaiako: He aha tāu i rongo ai? Ko wai te kaikōrero o tō kōpaki kapa haka?

Ākonga: Ahau.

 

Kaiako: When you were creating your kapa haka folder, what did you do?

Ākonga: Took a photo.

Kaiako: Yes, what else?

Ākonga: Wrote the word.

Kaiako: How did you do that?

Ākonga: Wrote the name. Took the photo. Wrote it on the tablet.

Kaiako: What did you hear? Who was the speaker of your kapa haka folder?

Ākonga: Me.

 

He whakawhiti ā-tuhi tēnei o tētahi kōrero tūturu.

Rauemi
  • Papahiko
  • He mata nui hei whakatauira i ngā mahi (me ōna taura hiko)
  • Te taupānga Puna e whakaaturia ana ki te papahiko
  • He rau pepa mō ngā kupu, he pene, he pine hoki
Aromatawai
Ka taea e te ākonga te:
  • tautohu me pēhea te tāpiri kupu hou, atahanga hou, ororongo hou hoki
  • whakamātau i te kōpaki whakarite mā te tākaro ki te taupānga Puna.
Hononga ki te Marautanga
Ngā Toi Whenu: Ngā Mahi a te Rēhia Taumata: 1
Pūtaiao Whenu: Te Ao Tūroa Taumata: 1, 2
Rerenga kōrero

Huakina te taupānga Puna
Open the Puna app

Waihangatia tētahi kōpaki hou
Create a new folder

Pato hei tāpiri kōpaki
Press to add a folder

Pato hei tāpiri kupu
Press to add a new word

Tāpirihia he kupu
Add a word

Tāpirihia he atahanga
Add an image

Tāpirihia he ororongo
Add sound

Hopu whakaahua
Take a picture

Tiakina tāu kōpaki ritenga ake
Save your custom folder

Tīkina ake tāu kōpaki
Retrieve your folder

Kōwhiria tētahi kēmu
Choose a game

Tuarihia atu tāu tuhinga ki te kaiako
Share your writing with the teacher

Ngā Kupu Hou / New Words
Kupu Māori
Kupu Pākehā

papahiko

tablet

kōpaki ritenga ake

custom folder

kōwae

category

taupānga

app

ngā tautuhinga

settings

tiaki

save

tiki ake

retrieve

tuari

share

tūemi

item

waihanga

create