Kati
Ko te rorohiko hei pupuri kōrero

Ko te rorohiko hei pupuri kōrero

Tirohanga Whānui

He Whakataki

Kei te akomanga. He rite tonu te ako kupu hou a ngā ākonga ahakoa te horopaki. I haere te nuinga o ngā ākonga ki te kōhanga reo i mua i te urunga mai ki te kura, he tino pai te reo ā-waha, engari, arā anō ētahi ākonga he iti te reo Māori. Kua whakamahia te taupānga ‘Puna’ e ngā ākonga kua waia ki tēnei hei wāhanga o tā rātou hōtaka mōhiotanga reo. Kua whakatau te kaiako ki te hono atu i te mahi hangarau matihiko ki tā rātou hōtaka mōhiotanga reo. Kua whakaatu atu te kaiako me pēhea te waihanga i tētahi kōpaki whakaritenga me te tāpiri atu i ngā kupu me ngā whakaahua me te ororongo.

Tā tēnei mahi e whakaatu ana

Ka waihanga te ākonga i te kōpaki whakarite o ngā kupu, ngā pikitia me te ororongo hei ako i ngā kupu matihiko hangarau hou. Ka whakamahi ia i te tahua kupu hangarau matihiko o te akomanga ki te tīpako i ngā kupu e hiahiatia ana. Kei te mōhio ia me 5 neke atu rānei ngā kupu me whakamahi kia taea e ia te tākaro i ngā kēmu kei te taupānga Puna me tana kōnae kōpaki whakarite.

Ngā momo tikanga

Kua kōrerohia e ngā ākonga ngā ture ā-akomanga i te whakamahinga o tētahi papahiko rānei:

  • Te tono whakaaetanga i mua i te hopu whakaahua o te tāngata, o āna rawa rānei.
  • Te tono whakaaetanga i mua i te hopu reo/āhua rānei o te tangata.