Kati
Ngā tāuru me ngā tāputa

Ngā tāuru me ngā tāputa

Tūmahi

Whāinga

Ka whakapuaki kōrero hei whakaputa māramatanga, kia puta ai te reo whakakapi, te reo patapatai me te reo whakatau.

  • Te tautohu i ngā pūrere tāuru me te tāputa o te pūnaha.
Putanga ako
Ka taea e te ākonga
  • te ako i ngā momo wāhanga o te pūrere matihiko, o tētahi atu momo papahiko rānei
  • te ako he aha te wāhanga tāuru, he aha hoki te wāhanga tāputa.
Paearu angitu
Ka angitu te ākonga mēnā ka taea e ia
  • te tautohu i ngā momo wāhanga o te pūrere matihiko
  • te tautohu i ngā pūrere tāuru me te tāputa o te pūrere matihiko, o tētahi atu momo papahiko rānei.
He Tauira Ngohe

Waihangatia he kauhau e pā ana ki ngā pūrere tāuru me te tāputa e pā ana ki:

  1. tētahi rorohiko, waea pūkoro
  2. tētahi taupānga
  3. tētahi momo pūmanawa.
Te Ngohe

Ngā wāhanga o te papahiko, tētahi atu pūrere matihiko rānei. Mā te whakamahi i te hoahoa tā, kua tonoa ngā ākonga ki te tāpiri i ngā tapanga ki te wāhi tika hei tautohu i ngā wāhanga o tētahi o ngā pūrere matihiko, papahiko rānei. Kua tonoa rātou ki te whakaatu i te tauira o tētahi pūrere tāuru, me te tauira o tētahi pūrere tāputa.

Ngā whakaritenga

Tuhia ngā whāinga me ngā paearu angitu ki te papa i mua i te tīmatanga o te akoranga.

Tīmatanga

Kōrerotia ngā whāinga, ā, ka matapaki ai i te tūmahi. Pānuihia ngā paearu angitu.

Waenganui

He aha te pūrere tāuru? He aha te pūrere tāputa? Tirohia ngā wāhanga rerekē o te papahiko, ka matapaki mēnā he pūrere tāuru, he pūrere tāputa rānei. Ka pēhea tātou e mōhio ai mēnā he pūrere tāuru, he pūrere rānei?

Kēmu

Tāpirihia ngā ingoa o ngā wāhanga o te papahiko ki aua wāhi tika.

He aha te pūrere tāuru? He aha te tauira o tētahi pūrere tāuru o te papahiko?

He aha te pūrere tāputa? He aha te tauira o tētahi pūrere tāputa o te papahiko?

Hei Whakakapi

Hoki atu ā-rōpū ki te whakawhiti kōrero.

Tirohia anō ngā whāinga me ngā paearu angitu.

Mā ngā ākonga (mahi takirua) e hoatu paku whakamārama mō ngā mea i ākona e rātou.

He taunaki mahi

Tā te ākonga

HMC1803 VUW 1H 1

Whakaahua 1: Te tautohu i ngā momo pūrere o tētahi papahiko.

 

HMC1803 VUW 1H 2

HMC1803 VUW 1H 3

Whakaahua 2: Te whakaraupapa i ngā momo pūrere o te papahiko ki ngā pūrere tāuru me ngā pūrere tāputa.

He whakawhiti kōrero

Kaiako: He aha koe i rau atu ai i ngā kāmera ki raro i ngā pūrere tāuru?

Ākonga: Nā te mea ka hopu pikitia, ka tiaki ki roto i te pūrere matihiko.

Kaiako: He aha koe i rau atu ai i te tukuoro ki raro i ngā pūrere tāputa?

Ākonga: Nā te mea ka puta mai te reo me ngā waiata.

 

Kaiako: Why did you put the cameras under input devices?

Ākonga: Because you take a picture and it goes into the digital device.

Kaiako: Why did you put the speaker under output devices?

Ākonga: Because the reo and the songs come out of the speaker.

 

'He whakawhiti ā-tuhi tēnei o tētahi kōrero tūturu.'

Rauemi

• Papahiko, pūrere matihiko rānei

• he hoahoatanga o te papahiko me ōna momo wāhanga (he rārangi ingoa atu anō).

Aromatawai

Ka mōhio ngā ākonga ki:

• te ako i ngā momo wāhanga o te papahiko

• te ako he aha te pūrere tāuru, he aha hoki te pūrere tāputa.

Hononga ki te Marautanga
Te Reo Whenu: ā-Waha Taumata: 3
Rerenga kōrero

He aha tēnei mea te pūrere tāuru?
What is an input device?

He aha tēnei mea te pūrere tāputa?
What is an output device?

He pūrere tāuru, he pūrere tāputa rānei?
Māku tō reo e hopu. I will record your voice.

He aha koe i rau atu ai i te kāmera ki raro i ngā pūrere tāuru?
Why did you place the camera as an input device?

He aha koe i rau atu ai i te tukuoro ki raro i ngā pūrere tāputa?
Why did you place the speaker as an output device?

Raua atu ngā ingoa o ngā wāhanga papahiko ki te wāhi tika.
Place the names of the tablet in the correct place.

Ngā Kupu Hou / New Words
Kupu Māori
Kupu Pākehā

papahiko

tablet

pūrere

device

tāuru

input

tāputa

output

kāmera o mua

front camera

kāmera o muri

back camera

mata

screen

pātene kāinga

home button

pātene whakakā

power button

pūrere matihiko

digital device

taupānga

app

tukuoro

speaker

uruoro

microphone

wāhanga

part, section

whakakā

turn on

whakaweto

turn off