Kati
Ko te rorohiko hei pupuri kōrero

Ko te rorohiko hei pupuri kōrero

Tirohanga Whānui

He Kupu Whakataki

Kua waia ngā tuākana ki te whakamahi i ngā pūrere matihiko o roto i te akomanga ki te tākaro kēmu hei whakaū i ngā akoranga. Kua whai urunga ahokore te nuinga o ngā tamariki i te akomanga ki te ipurangi me te whakamahi i ngā pūrere matihiko (papahiko, waea pūkoro, rorohiko rānei) i te kāinga.

Tā tēnei mahi e whakaatu ana

Ko tā ngā ākonga he tautohu i ngā momo āhuatanga i whakamahia e ō tātou tūpuna ki te pupuri me te tiaki mōhiohio, pērā ki ngā whakairo, te tā moko, te haka, te mōteatea me te waiata. Kei te mōhio rātou ahakoa ka taea te whakamahi ngā ara o mua hei pupuri, he tuari mōhiohio, he ara anō tā ngā pūrere matihiko e taea ai tēnei mahi. Kei te mōhio rātou ko te tino utauta ka tuarihia, ka whakamahia hoki e rātou katoa i ia rā, i ia rā, ko ngā pūrere matihiko, tētahi atu momo papahiko rānei.

Ka titiro ngā ākonga ki te hoahoa o te papahiko, me te tāpiri i ngā tapanga ki ngā momo wāhanga tika. Ka tautohua tētahi pūrere tāuru me tētahi pūrere tāputa mā te kōrero mō te mahi a aua wāhanga e rua. Mā te whakatutuki i te ngohe ranu ka taurite, ka whakaaturia e ngā ākonga ka taea e rātou:

  • te whakaingoa i ngā momo wāhanga o tētahi papahiko
  • te hoatu tauira o te āhuatanga o te pūrere tāuru, me tētahi o te pūrere tāputa o tētahi pūrere matihiko.
Ngā momo tikanga

Kua kōrerohia e ngā ākonga te pūtake o te pūrere matihiko, pērā i te pupuri me te tuari mōhiohio. Kua whakaritea te āhua o tā rātou whakamahi pūrere matihiko ki te hopu kōrero, hītori hoki ki ngā āhuatanga o ō tātou tūpuna ki te pupuri me te tuari kōrero pērā i te whakairo, i te tukutuku, i te waiata. Kei te mōhio rātou ahakoa ka taea tonutia te whakamahi ngā utauta o mua hei pupuri, hei tuari mātauranga, kōrero hoki, ā, ka taea hoki te whakamahi i ngā taupānga me ngā pūrere matihiko.