Kati
Ko te whakaaro hātepe

Ko te whakaaro hātepe

Tirohanga Whānui

Ko te whakaaro hātepe

Ka wetewetea tētahi tūmahi rorohiko-kore ki ētahi tohutohu tika, tohutohu mārama, me kī, kia ngāwari ngā tohutohu (whakaaro hātepe). Ka taea te tuku tohutohu, ka tautohu mēnā kei te hē, ā, ka whakatika ai (te patuiro). Mā tēnei mahi e whakaatu ka taea e rātou te whakamahi i ō rātou pūkenga whakaraupapa hei wetewete i tētahi tūmahi ki ōna tohutohu iti nei.

Ngā putanga ako

Ka taea e te ākonga:

  • te tuku me te whai tohutohu māmā
  • te tautohu hapa i ngā tohutohu, ka whakatika ai
  • te tūhura i ngā tau tāhūrua (0 me te 1)
Ngā mōhiotanga

E mārama ana te ākonga:

  • kia māmā noa ngā tohutohu kia ngāwari te whai, ā, kia tino hāngai ngā tohutohu kia tika te whai
  • ko te waehere tāhūrua tētahi o ngā reo o ngā papatono rorohiko, ā, e rua noa iho ana tau, ko te 0 me te 1)
Horopaki

Kua tūhura ngā ākonga i te tikanga o te manaaki tangata, me te manaaki i tētahi rōpū nui tonu i te marae, i te kura rānei. I tēnei tūmahi, ka whakatau ngā ākonga ka pēhea te iwi e neke haere i te wharekai kia haumaru. Hei te tuatahi, e rapu ana ngā ākonga i te ara tino pai ki te tiki i ā rātou kai, ā, hoki tika atu ki tōna tūru noho ai. Kia tipu te māia o ngā ākonga ki te rapu i te ara pai ki ō rātou tūru, ka whakamātauria hei tohutohu ki tētahi hoa, arā, te tiki i tāna kai me te hoki tika ki tōna tūru i te wharekai.

Rauemi
  • He tukutuku (whakaahua kei KONEI)
  • Ahakoa te wā, ahakoa te wāhi ka āhei ngā tamariki te tuku, te whai tohutohu māmā - ki te papa tākaro, te akomanga, te marae, te māra kai, te kāinga, te mea, te mea.
  • Whakaaro Rorohiko ataata kei KONEI
Ngā Kupu Hou / New Words
Kupu Māori
Kupu Pākehā

Hapa

error

Hātepe

algorithm (He tukanga tohutohu ki te whakaoti hopanga)

kōrea

wheelchair

pai

efficient

papatono

programme

patuiro

debugging

tāhūrua

binary

taupā

obstacle

tautohu

identify

tūhura

explore

waehere tāhūrua

binary code

whaikano

coloured

Whakaaro Hātepe

Algorithmic Thinking

Whakaaro Rorohiko

Computational Thinking

whakaoti hopanga/rapanga

problem solve